Komuna e Tearcës me njoftim të rëndësishëm për rrezikun nga zjarret

Komuna e Tearcës ka apeluar deri tek të gjithë banorët që të tregojnë kujdes maksimal gjatë kësaj periudhe kur pritet rritje e temperaturave dhe rrezik më i madh nga zjarret.
Nga komuna kërkohet që qytetarët të shmangin çdo veprim që mund të shkaktojë zjarr, si djegia e barit, hedhja e cigareve apo e xhamit në natyrë, si dhe çdo pakujdesi tjetër që mund të rrezikojë pyjet, pronat dhe jetën e qytetarëve.
“Të kontribuojmë së bashku për një mjedis më të sigurt dhe pa zjarre”, thuhet në apelin e Komunës së Tearcës.