Sot shënohen 16 vite nga vrasja e Harun Aliu, i njohur si “Komandant Kushtrimi”, një nga figurat më të njohura të Ushtrisë Çlirimtare Kombëtare (UÇK). Harun Aliu u vra më 12 maj të vitit 2010 në afërsi të Radushës, pranë kufirit mes Maqedonisë së Veriut dhe Kosovës, gjatë një aksioni policor ku mbetën të vrarë edhe tre bashkëluftëtarë të tij, shkruan Tema.mk.
Ngjarja aso kohe shkaktoi reagime të shumta në opinionin shqiptar, ndërsa familjarë dhe ish-bashkëluftëtarë të tij edhe sot kërkojnë zbardhje të plotë të rastit.Autoritetet e atëhershme maqedonase deklaruan se grupi ishte i armatosur dhe kërkohej për disa incidente të sigurisë, por në opinionin publik shqiptar për vite me radhë kanë ekzistuar dyshime se aksioni kishte prapavijë politike dhe se Harun Aliu ishte cak për shkak të aktivitetit të tij të mëhershëm ushtarak dhe ndikimit që kishte tek ish-pjesëtarët e UÇK-së./Tema.mk/
