Presidenti amerikan, Donald Trump, ka shkaktuar polemika të reja me komentet e tij mbi konfliktin dhe situatën në Iran. Gjatë një deklarate për gazetarët në oborrin e Shtëpisë së Bardhë, Trump u pyet për amerikanët që nuk mbështesin luftën, dhe ai iu përgjigj se “janë budallenj”.
Trump shtoi se populli iranian, sipas tij, “kur nuk dëgjon bombat ndihet i zhgënjyer. Ata duan të dëgjojnë bombat sepse duan të jenë të lirë”. Ai argumentoi gjithashtu se arsyet pse iranianët nuk protestojnë hapur kundër qeverisë janë se “do të vriteshin menjëherë” nga regjimi.
“Iranianët do të reagojnë sapo të kuptojnë se nuk do të vriten dhe kur të kenë mundësinë të sigurojnë armë,” tha Trump. “Nëse do të kishin armë, Irani do të dorëzohej brenda dy sekondave sepse nuk do të ishte në gjendje të rezistonte”.
