Një foshnjë gjashtëmuajshe nga rajoni i Shkupit është sjellë dje e pajetë në Poliklinikën e Draçevës, ndërsa në trupin e saj nuk janë konstatuar shenja të dukshme dhune, njoftoi Ministria e Punëve të Brendshme.
Sipas MPB-së, rasti është raportuar më 26 gusht 2026, rreth orës 21:15, në SPB Shkup nga Poliklinika e Draçevës. Mjeku ka konstatuar vdekjen e foshnjës, pa shenja të dukshme dhune.Me urdhër të prokurorit publik, trupi i foshnjës është dorëzuar për obduksion, i cili pritet të përcaktojë shkaqet e vdekjes.
