Propozim ligji për përfaqësim të drejtë është antishqiptar thotë kreu i BDI-së, Ali Ahmeti. Ai në një intervistë theksoi se ky draft-ligj që ka dërguar qeveria në Kuvend, nuk i përfaqëson drejtë shqiptarët në institucionet publike. Shtoi se këtë version nuk do ta votojnë deputetët e Frontit Evropian dhe paralajmëroi se do të ndërhyjnë me amendamente.
“Ligjet që propozohen janë antishqiptare dhe janë kundër Marrëveshjes së Ohrit. Ligji për arsim është ligj kundër arsimimit të shqiptarëve të arsimit të lartë. Ligji për përfaqësim të drejtë është kundër shqiptarëve, nuk parashihet as etnia e as sanksionet për ata të cilët nuk e zbatojnë parimin e përfaqësimit të drejtë. Do të thotë është flluskë sapuni, mbetet në vullnetin e palës shumicë, sikurse në të kaluarën, na duhen për dekor shqiptarët!”, tha Ali Ahmeti, kryetar i BDI-së.
