Një 71-vjeçar nga Tetova ka denoncuar në polici se është mashtruar për 500 euro nga një 50-vjeçar nga një fshat i komunës së Bogovinës, i cili i kishte premtuar ndihmë për realizimin e së drejtës për kujdes nga person tjetër.
Sipas informacioneve të SPB Tetovë, rasti është paraqitur më 3 qershor rreth orës 15:25. I dëmtuari ka deklaruar se ia ka dorëzuar dokumentet personale dhe i ka paguar 500 euro të dyshuarit, duke besuar se do ta ndihmonte në procedurën për përfitimin e kësaj të drejte.
Siç ka raportuar tetovari, pasi i ka marrë paratë, personi ka ndërprerë komunikimin, nuk u është përgjigjur më thirrjeve telefonike dhe ka shkëputur çdo kontakt me të.
Nga SPB Tetovë njoftojnë se po ndërmerren masa për zbardhjen e plotë të rastit dhe për përcaktimin e të gjitha rrethanave që lidhen me ngjarjen.
Lajmi ditës
Tetovarit i merr 500 euro me premtim të rremë për përfitimin e kujdesit nga person tjetër
