Tetova ndër qytetet për të cilat Qeveria siguroi automjete të specializuara për higjienën komunale

49 automjete të reja dhe pajisje të specializuara për higjienën komunale do të marrin Qyteti i Shkupit dhe disa komuna të tjera në vend, në kuadër të një projekti të realizuar me mbështetjen e Bankës Botërore.Automjetet e reja u promovuan sot nga kryeministri Hristijan Mickoski, zëvendëskryeministri dhe ministri i Transportit, Aleksandar Nikolloski, si dhe kryetari i ZELS-it, Orce Gjorgjievski.Zëvendëskryeministri Nikolloski theksoi se blerja është realizuar përmes një procesi transparent. Nga vlera e parashikuar prej 5.5 milionë eurosh, pajisjet janë blerë për 4.2 milionë euro, duke realizuar një kursim prej rreth 1.3 milionë eurosh.Sipas Nikolloskit, në kuadër të projektit janë blerë gjithsej 19 kamionë multifunksionalë të llojeve të ndryshme, 9 kamionë-cisternë të specializuar dhe 21 automjete multifunksionale, të cilat do të përdoren për pastrimin dhe mirëmbajtjen e rrugëve.Automjetet do t’u shpërndahen Qytetit të Shkupit, Kumanovës, Prilepit, Ohrit, Tetovës, Negotinës, Kërçovës, Dibrës dhe Velesit, ndërsa pritet që përmes projekteve të tjera të përfshihen edhe komuna të tjera në vend.