Tetë persona arrestohen për posedim të drogës në disa qytete të vendit

Gjatë 24 orëve të fundit, zyrtarët policorë në disa lokacione të vendit kanë privuar nga liria tetë persona, pasi tek ata është gjetur drogë, njoftoi Ministria e Punëve të Brendshme.
Në Shkup, policia ka arrestuar GJ.D. (30) nga Velesi, F.P. (28) nga Kumanova, si dhe I.M. (23), B.V. (27), A.B. (27) dhe A.SH. (29), të gjithë nga Shkupi. Gjatë kontrolleve, tek ata janë gjetur dhe sekuestruar marihuanë, si dhe substanca në formë pluhuri dhe gungash. Pas dokumentimit të plotë të rasteve do të parashtrohen kallëzimet përkatëse.
Në Tetovë, rreth orës 23:40 në rrugën “Ilindenska”, zyrtarët e SPB Tetovë kanë arrestuar E.B. (19) nga Tetova, pasi gjatë kontrollit tek ai është gjetur dhe konfiskuar marihuanë. Edhe për këtë rast do të pasojë parashtresë përkatëse pas dokumentimit të plotë.
Ndërkaq, në Manastir, rreth orës 01:00 pas mesnate në rrugën “Partizanska”, pranë sallës sportive, policia ka arrestuar S.T. nga Manastiri, pasi gjatë kontrollit i është gjetur marihuanë.
Nga MPB bëjnë të ditur se pas zbardhjes dhe dokumentimit të plotë të të gjitha rasteve, ndaj personave të arrestuar do të ngrihen procedurat dhe kallëzimet e nevojshme ligjore.