“Propozohet një rrugë në Tetovë të mbaj emrin e Fadil Sulejmanit”, çmendet “Lidhja e Luftëtarëve: Ai i konsideronte maqedonasit bullgar!

Lidhja e Luftëtarëve nga NOAVM dhe qytetarët pasues nga Tetova, 17 gusht 2026
Të nderuar qytetarë,
Grupi i paligjshëm i punës për emërtimin dhe riemërtimin e rrugëve në Tetovë, i formuar nga Këshilli i Komunës së Tetovës në seancën e mbajtur më 12.08.2026, ka përcaktuar 145 propozime për emrat e rrugëve të Tetovës, ndërsa në listë, nën numrin 3, është përfshirë emri Fadil Sulejmani.
Lidhja e Luftëtarëve nga NOAVM dhe qytetarët pasues nga Tetova kundërshtojnë ashpër këtë propozim, e konsiderojnë të papranueshëm për disa arsye dhe kërkojnë që ai të hidhet poshtë.
Personi Fadil Sulejmani ka pasur qëndrime të shprehura qartë antimaqedonase. Ai i konsideronte maqedonasit bullgarë, ndërsa Maqedoninë e konsideronte shtet artificial. Për opinionin më të gjerë publik ndajmë një pjesë nga gazeta ditore „Utrinski Vesnik“, e datës 12 korrik 2000. Në tekstin e publikuar janë përcjellë qëndrimet e tij antimaqedonase dhe përcaktimi i qartë për të mohuar ekzistencën e kombit maqedonas.
Sa më sipër, sipas njoftimit, e bën propozimin që Fadil Sulejmanit t’i vendoset emri i një rruge në kundërshtim me nenin 6 të Ligjit, pasi me një veprim të tillë ofendohen ndjenjat e qytetarëve dhe dëmtohen marrëdhëniet ndërmjet komuniteteve, zakonet dhe morali publik.
T’i vendosësh një rruge emrin e një personi që mohon ekzistencën e shtetit dhe veçantinë e një populli, është një akt kundër shtetit, pa precedent në botë.
Pyesim nëse Grupi i Punës është përbërë nga njerëz, kompetencat e të cilëve janë të përshtatshme, apo vetëm nga individë të bindur, të cilët kanë për detyrë të nënshkruajnë një listë të përgatitur paraprakisht? A e dëgjuan dhe e kuptuan tre anëtarët e mbetur maqedonas të Grupit të Punës apelin për t’u tërhequr menjëherë? Kujt i shërben legjitimimi juaj i këtij procesi të dëmshëm?
Vdekje fashizmit – liri popullit!