Policia me aksion të ri: Shtatë persona arrestohen për shkak të drogës

Policia e Maqedonisë së Veriut ka arrestuar shtatë persona në aksione të ndara të zhvilluara në Shkup, Prilep dhe Bogovinë, pasi gjatë kontrolleve u janë gjetur lëndë narkotike.
Në Shkup, gjatë 12 korrikut, policia ka privuar nga liria A.I. (24), M.F. (28), M.K. (28), D.A. (18), të gjithë nga Shkupi, si dhe R.Gj. (20) nga Gjevgjelia. Gjatë kontrollit tek ata janë gjetur marihuanë dhe një mulli për bluarjen e drogës.
Po të njëjtën ditë, rreth orës 19:30, në lagjen “Toçilla” të Prilepit, policia arrestoi T.T. (37) nga Prilepi, pasi gjatë kontrollit iu gjet marihuanë.
Ndërkohë, më 13 korrik, në orën 02:45, zyrtarët policorë të Stacionit Policor të Kamenjanit arrestuan B.S. (24), me vendbanim në fshatin Trebosh. Gjatë kontrollit të një automjeti të tipit “Golf” me targa të Shkupit, tek ai u gjetën dhe u sekuestruan marihuanë dhe një lëng me ngjyrë kafe.
Pas dokumentimit të plotë të rasteve, ndaj të arrestuarve do të ndërmerren procedurat përkatëse ligjore.