Një zjarr ka shpërthyer sërish në deponinë e Nerashtit, duke mobilizuar ekipet e zjarrfikësve të cilët kanë dalë në terren për të lokalizuar dhe shuar flakët, shkruan Tema.mk. Ky nuk është rasti i parë që kjo deponi përballet me zjarre, ndërsa incidentet e përsëritura kanë ngritur shqetësime për rrezikun që paraqesin, veçanërisht gjatë periudhës së temperaturave të larta dhe motit të thatë.
Institucionet kanë apeluar te qytetarët që të tregojnë kujdes maksimal dhe të shmangin ndezjen e zjarreve në ambiente të hapura, pasi pakujdesia mund të shkaktojë pasoja të mëdha për mjedisin dhe sigurinë e banorëve.
Edhe Bashkësia Lokale e Nerashtit ka bërë thirrje për përgjegjësi, duke kërkuar nga banorët që të mos ndezin zjarre, sidomos në këto ditë me temperatura të larta, kur rreziku për përhapjen e tyre është shumë më i madh./Tema.mk/
