SHBA-të nisën një valë të re sulmesh ndaj Iranit mbrëmjen e djeshme, duke vazhduar përshkallëzimin e konfliktit mes dy vendeve.
Media shtetërore iraniane raportoi se sulmet shkaktuan vdekjen e një personi në jugperëndim të Iranit, ndërsa katër të tjerë mbetën të plagosur.
Vetëm pak orë pas sulmeve amerikane, Korpusi i Gardës Revolucionare Islamike (IRGC) njoftoi se kishte goditur baza ushtarake amerikane në Kuvajt, Jordani dhe Bahrein.
Përshkallëzimi i tensioneve, hedh dyshime mbi të ardhmen e marrëveshjes së përkohshme SHBA-Iran të nënshkruar në qershor, vjen mes pretendimeve kontradiktore lidhur me Ngushticës së Hormuzit nëse është e hapur.
Irani pretendon se e ka mbyllur këtë rrugë ujore kyçe deri në një njoftim të dytë, ndërsa SHBA-të këmbëngulin se ajo mbetet e hapur.
Mbrëmjen e djeshme, Centcom njoftoi nisjen e një raundi të ri sulmesh ndaj objektivave në Iran, të cilat nisën në orën 17:00 ET.
Sipas Centcom-it, u goditën dhjetëra objektiva ushtarake iraniane, përfshirë sistemet e mbrojtjes ajrore, pozicionet e radarëve bregdetarë, si dhe kapacitetet e raketave dhe dronëve.
Forcat amerikane ishin “të përgatitura për të siguruar që liria e lundrimit të mbetet e disponueshme për anijet tregtare pavarësisht agresionit, ngacmimit, kërcënimeve dhe deklaratave arbitrare të vazhdueshme të pajustifikuara nga Irani”, tha Centcom.
Pak minuta para njoftimit të parë të Centcom-it, televizioni shtetëror iranian raportoi për shpërthime në Sirik, Qeshm, Bandar Abbas dhe Jask.
