Makina përplas 78-vjeçaren në Shkup, gruaja pëson lëndime të rënda

Një grua 78-vjeçare ka mbetur e plagosur rëndë pasi është goditur nga një automjet në një aksident trafiku që ndodhi më 5 qershor në Shkup.
Sipas njoftimit të Ministrisë së Punëve të Brendshme, aksidenti ka ndodhur rreth orës 19:00 në rrugën “Atanas Mitrev”, ku një veturë e tipit “Opel Vectra” me targa të Ohrit, e drejtuar nga D.V. (24) nga Shkupi, ka goditur këmbësoren S.O. (78) nga Shkupi.
Si pasojë e aksidentit, gruaja ka pësuar lëndime të rënda trupore dhe është transportuar me urgjencë në spitalin “Shën Naum Ohri” në Shkup, ku i është ofruar ndihma e nevojshme mjekësore.
Në vendin e ngjarjes është kryer ekspertizë nga ekipi i SPB Shkup, ndërsa autoritetet kompetente po punojnë për zbardhjen e plotë të rastit.