Qeveria në mbledhjen e sotme vendosi ta vazhdojë masën për uljen e akcizave të derivateve të naftës deri më 15 qershor, me qëllim zbutjen e presionit të çmimeve ndaj qytetarëve dhe ekonomisë.
Gjithashtu, pas bisedimeve me kompaninë “OKTA”, furnizuesin më të madh vendor të derivateve të naftës, është siguruar një zbritje shtesë prej 2 denarësh për litër, e cila do të hyjë në fuqi nga nesër.
Sipas llogaritjeve të Qeverisë, efekti i kombinuar i vazhdimit të masës dhe zbritjes së re pritet të ulë çmimin e naftës me 6.5 denarë për litër, ndërsa benzina pritet të lirohet për 1.5 denarë për litër.
Nga Qeveria vlerësojnë se bëhet fjalë për mbështetje të drejtpërdrejtë për qytetarët, sektorin e transportit, bujqit dhe kompanitë, me qëllim uljen e kostove dhe ruajtjen e stabilitetit të çmimeve.
Në njoftim thuhet se institucionet do të vazhdojnë të ndërmarrin masa për mbrojtjen e standardit jetësor dhe forcimin e sigurisë ekonomike në kushtet e sfidave globale ekonomike.
Lajmi ditës
Lajm i madh për shoferët: Nafta pritet të ulet në mënyrë drastike nga nesër në Maqedoni – ja sa do të kushtoj një litër
