Humb jetën 67 vjeçari, rrokulliset me traktor

Të mërkurën Më 20.05.2026 në ora 14:05 në Departamentin Policor të Rostushës është denoncuar se në fshatin Skudrinjë, në vendin e quajtur “Ara e Mustanës”, është gjetur i vdekur M.S.(67) nga po ai fshat. Sipas denoncimit, M.S. ka qenë duke drejtuar një traktor me rimorkio, me çka ka humbur kontrollin dhe është përmbysur. Nga lëndimet e marra, ai ka ndërruar jetë në vendin e ngjarjes, ndërsa mjeku ka konstatuar vdekjen. Këqyrjen e vendit të ngjarjes e ka kryer ekipi i ekspertizës nga DPB Gostivar, ndërsa me urdhër të prokurorit publik trupi i të ndjerit është dërguar për obduksion.