Ish-kandidati i VLEN-it për komunën e Kërçovës, Fatmir Limani, i cili tashmë është përjashtuar nga VLEN, në zgjedhjet e fundit lokale kishte arritur rezultat vetëm pak më të lartë se kandidati i pavarur Shkodran Alili, i cili sot është rreshtuar krah VLEN-it. Sipas rezultateve zgjedhore, Limani kishte fituar 4.164 vota, ndërsa Shkodran Alili 3.902 vota, që do të thotë se diferenca mes tyre ishte vetëm 262 vota, njofton Tema.mk.
Limani, përveç strukturës së atëhershme të VLEN-it, kishte edhe mbështetjen e VMRO-DPMNE-së për të siguruar kalimin në raundin e dytë, megjithatë rezultati përfundimtar tregoi një garë shumë të ngushtë me kandidatin e pavarur. Zhvillimet e fundit politike kanë ndryshuar edhe pozicionimet brenda kampit shqiptar në Kërçovë. Ndërsa Fatmir Limani tashmë është jashtë VLEN-it, Shkodran Alili është afruar dhe është rreshtuar krah këtij subjekti politik, duke sinjalizuar konfigurime të reja para zgjedhjeve të ardhshme lokale./Tema.mk/
