Drejtori i Spitalit Klinik të Tetovës, Erzen Elezi, ka reaguar pas kritikave në opinion dhe media lidhur me pajisjet mjekësore që thuhej se nuk ishin në përdorim. Ai bëri të ditur se aparatura për sterilizim tashmë është vënë në funksion dhe punon me kapacitet të plotë, duke theksuar se kjo paraqet një hap konkret drejt shfrytëzimit të investimeve në shërbim të pacientëve, shkruan Tema.mk.
“Ky është një hap konkret drejt shfrytëzimit të çdo investimi dhe përmirësimit të kushteve në spitalin tonë”, ka deklaruar Elezi.
Sipas tij, drejtimi i institucionit mbetet i përkushtuar për modernizimin dhe rritjen e efikasitetit të shërbimeve shëndetësore për qytetarët. Ai gjithashtu falënderoi pacientët për besimin dhe theksoi se do të vazhdojnë përpjekjet për një spital më funksional dhe më cilësor./Tema.mk/
