Një ngjarje e rëndë ka tronditur Spitalin Klinik të Tetovës, ku një mjek 67-vjeçar dyshohet se ka sulmuar fizikisht kolegen e tij gjatë orarit të punës. Siç mëson ekskluzivisht Tema.mk, bëhet fjalë për gjinekologun Kazimir Koprivnjak, i cili pas incidentit është ndaluar nga policia dhe ndaj tij po ndërmerren procedurat përkatëse.
Ky nuk është rasti i parë që emri i tij përfshihet në skandale që lidhen me profesionin e tij. Vite më parë, Koprivnjak ishte pjesë e një procesi gjyqësor ku akuzohej për vdekjen e një lehoneje në Tetovë. Megjithatë, në vitin 2018 ai u shpall i pafajshëm nga Gjykata e Tetovës dhe më pas u rikthye në vendin e tij të punës.
Rasti i fundit ka rikthyer në opinion debatet për përgjegjësinë dhe standardet profesionale në institucionet shëndetësore. Ndërkohë, mbetet të shihet se çfarë masash do të ndërmerren nga organet kompetente pas incidentit të fundit./Tema.mk/
