Bilall Kasami uron Albin Kurtin për fitoren në Kosovë

Njëri nga bashkëkryetarët e VLEN-it, Bilall Kasami, ka uruar kryeministrin e Kosovës, Albin Kurti, për fitoren në zgjedhjet parlamentare.
Përmes një reagimi publik, Kasami theksoi se në emrin e tij dhe të koalicionit VLEN, e përgëzon Kurtin për “fitoren e thellë të radhës” në zgjedhjet parlamentare në Kosovë.
Ai vlerësoi gjithashtu procesin zgjedhor, duke theksuar se është i lumtur për atmosferën demokratike dhe për faktin që zgjedhjet u zhvilluan të qeta, të lira dhe korrekte, ashtu siç i ka hije Kosovës.
“Shpresoj që sa më shpejt të konsolidohen institucionet e Republikës, bazuar në vullnetin qytetar të shprehur sot, në mënyrë që ta vazhdojmë bashkëpunimin e ngushtë dhe punët e mira të përbashkëta me Qeverinë e Kosovës”, ka shkruar Kasami.
Urimi i tij vjen pas publikimit të rezultateve të zgjedhjeve parlamentare në Kosovë, ku forcat politike po presin finalizimin e procedurave për formimin e institucioneve të reja.