Siri, Bashar al-Assad dënohet me vdekje për krime lufte dhe krime kundër njerëzimit
Një gjykatë në Siri ka dënuar me vdekje në mungesë ish-presidentin Bashar al-Assad për krime lufte dhe krime kundër njerëzimit të kryera gjatë konfliktit 14-vjeçar në vend.
Me të njëjtin vendim u dënuan gjithashtu në mungesë edhe vëllai i tij, Maher al-Assad, si dhe kushëriri Atef Najib, i cili u shpall fajtor për drejtimin e operacionit për shtypjen e protestave në provincën Daraa në vitin 2011, ngjarje që çoi në kryengritjen dhe më pas në luftën civile.
Sipas gjykatës, lufta në Siri shkaktoi rreth gjysmë milioni viktima dhe zhvendosjen e miliona personave. Bashar dhe Maher al-Assad u larguan drejt Rusisë pas rrëzimit të regjimit në dhjetor 2024, ndërsa procesi ndaj tyre u zhvillua në mungesë.
