Arratiset nga policia, lë pas 46 paketime me marihuanë, ja detajet

Zyrtarët policorë të SPB Manastir kanë gjetur 46 paketime me marihuanë gjatë një kontrolli aksion në zonën mes fshatrave Lazhec dhe Graeshnicë.
Sipas njoftimit të Ministrisë së Punëve të Brendshme, më 16 qershor rreth orës 18:45, gjatë kryerjes së detyrave zyrtare, policët kanë vërejtur një person i cili nuk ka respektuar urdhrin verbal për t’u ndalur.
Në përpjekje për ta ndaluar, njëri nga zyrtarët policorë ka shtënë tre plumba paralajmërues në ajër, por personi ka vazhduar të ikë. Gjatë arratisjes, ai ka hedhur një çantë dhe është larguar nga vendi i ngjarjes.
Pas kontrollit të çantës, policia ka gjetur 46 paketime me marihuanë. Po ndërmerren masa për identifikimin dhe kapjen e personit, ndërsa rasti është në procedurë të mëtejshme hetimore.