Një drejtor aktual i një institucioni shtetëror është arrestuar mbrëmjen e sotme nën dyshimin për marrje ryshfeti, në një aksion të shërbimeve për luftimin e krimit të organizuar pranë Byrosë për Siguri Publike, raporton Skopje1, duke iu referuar burimeve nga hetimi.
Sipas informacioneve jozyrtare, bëhet fjalë për drejtorin e Inspektoratit Shtetëror për Bujqësi, Vase Anakiev, i cili dyshohet se është kapur duke kërkuar dhe pranuar ryshfet në vlerë prej rreth 50.000 eurosh.
Deri më tani nuk ka konfirmim zyrtar nga institucionet kompetente për identitetin e të ndaluarit, as për të gjitha detajet e rastit. Organet hetimore janë duke punuar për të sqaruar të gjitha rrethanat, përfshirë nëse bëhet fjalë për një rast individual apo për një rrjet më të gjerë korrupsioni.
