Një aksident i rëndë trafiku ka ndodhur mbrëmjen e sotme në rrugën “Ilinden” në Tetovë, ku janë përplasur disa automjete.
Sipas informacioneve fillestare, nga përplasja disa persona kanë mbetur të lënduar dhe janë dërguar për trajtim mjekësor, njofton Tema.mk. Në vendin e ngjarjes kanë intervenuar ekipet e Ndihmës së Shpejtë dhe policia, të cilat kanë ofruar ndihmën e parë dhe kanë siguruar zonën.
Për shkak të aksidentit, qarkullimi në këtë pjesë të rrugës është vështirësuar, ndërsa policia ka nisur hetimet për të përcaktuar shkaqet dhe rrethanat e aksidentit. Pritet që gjatë orëve në vijim autoritetet të publikojnë më shumë informacione lidhur me numrin e të lënduarve dhe gjendjen e tyre shëndetësore./Tema.mk/
