Aksident i rëndë trafiku në këtë qytet të Maqedonisë, ka të lënduar – ja detajet

Para pak çastesh ka ndodhur një aksident trafiku në hyrje të fshatit Zajaz – në rajonin e Kërçovës, përkatësisht në afërsi të vendit të quajtur “Zajaz Teqe” në rrugën magjistrale Kërçovë–Gostivar. Sipas burimeve jozyrtare deri te të cilat ka arritur Porta.mk, në aksident kanë qenë të përfshira një veturë e tipit Mercedes dhe një automjet tjetër me targa të Kërçovës, ndërsa si të lënduar figurojnë katër persona relativisht të rinj, të cilët janë pranuar në Qendrën Mjekësore – Kërçovë për të marrë ndihmë mjekësore.