Tirana hyn sot në ditën e 21-të të protestave kundër qeverisë dhe kryeministrit Edi Rama, ndërsa është paralajmëruar se protesta e sotme do të jetë më e madhja e zhvilluar deri më tani para godinës së Kryeministrisë.
Shumë emigrantë nga diaspora kanë mbërritur këtë të shtunë në Tiranë për të qenë të pranishëm në protestën e sotme, e cila konsiderohet si kulmi i mobilizimit qytetar pas tre javësh demonstratash të pandërprera.
Grupi i emigrantëve shqiptarë që mbërritën sot në Tiranë ishin nisur prej ditësh nga Anglia me automjete private drejt Shqipërisë. Gjatë rrugës, karvanit i janë bashkuar edhe bashkatdhetarë nga Franca, Gjermania, Austria dhe vende të tjera europiane, duke formuar autokolona me flamuj kuqezi.
