Zyrtarët policorë ne Gostivar dje rreth orës 12:40 kanë privuar nga liria një grua 40-vjeçare nga një fshat i rajonit të Gostivar.
Sipas policisë, veprimi është ndërmarrë pas një kallëzimi të bërë nga bashkëshorti i saj 52-vjeçar, i cili ka deklaruar se rreth orës 07:30, pas një debati të shkurtër në shtëpinë familjare, ajo e ka sulmuar fizikisht. Gjatë incidentit, gruaja dyshohet se ka thyer një pjesë të orendive të shtëpisë dhe i ka dëmtuar telefonin celular.
Nga SPB Tetovë njoftojnë se pas dokumentimit të plotë të rastit do të parashtrohet kallëzimi përkatës.
