Nënkryetari i Komunës së Tetovës, Albi Qamili, ka marrë pjesë sot në Akademinë e organizuar me rastin e “Ditës Ndërkombëtare të motrave medicinale, teknikëve, akusherëve dhe stomatologëve”.
Përmes një postimi, Qamili shprehu mirënjohje dhe respekt për të gjithë profesionistët shëndetësorë, duke vlerësuar përkushtimin, humanizmin dhe përgjegjësinë e tyre në shërbim të qytetarëve.
Ai theksoi se Komuna e Tetovës do të vazhdojë të mbështesë personelin mjekësor dhe të jetë partner në çdo iniciativë që kontribuon në avancimin e mbrojtjes së shëndetit, edukimit dhe dinjitetit të profesionit të mjekut.
Qamili veçoi edhe rolin e motrave medicinale dhe teknikëve në Spitali Klinik i Tetovës, duke theksuar se ata janë shtylla kryesore e kujdesit të përditshëm mjekësor dhe një urë lidhëse mes pacientit, mjekut dhe institucionit shëndetësor./ZYRTARE.net/
