Gjykata Kushtetuese e Maqedonisë së Veriut pritet që sot të vendosë nëse ligji që rregullon sistemin e monitorimit “Safe City” (Qyteti i Sigurt) është në përputhje me Kushtetutën. Para kësaj gjykate janë ngritur katër raste që lidhen me ligjshmërinë e këtij sistemi të mbikëqyrjes.
Gjyqtarja kushtetuese Ana Pavllovska Daneva konfirmoi se institucioni ka pranuar tre iniciativa të ndryshme që kontestojnë funksionimin e sistemit. Ato janë dorëzuar nga Aleanca për Shqiptarët – krahu i Arben Taravarit, Aleanca për Shqiptarët – krahu i Ziadin Selës, si dhe nga një student i Fakultetit Juridik.
Të tri këto iniciativa janë bashkuar në një lëndë të vetme, e cila do të shqyrtohet si pikë kryesore në rendin e ditës të Gjykatës Kushtetuese.
