Kryetari i Bashkimit Demokratik për Integrim, Ali Ahmeti sot ka kujtuar një nga bashkëluftëtarët e tij Ilir Konushevcin dhe doktor Hazir Malën. Ahmeti shkruan se “Humbja e Ilirit ishte goditje e rëndë për UÇK-në dhe për të gjithë bashkëluftëtarët. Por atdhedashuria dhe shpirti i tij i madh liridashës qëndruan ndër ne për të frymëzuar qëndresën deri në jetësimin e idealit të lirisë dhe shtetësisë së Kosovës”.
Sot përkujtojmë njërin ndër themeluesit e Ushtrisë Çlirimtare të Kosovës, bashkëluftëtarin tim, heroin e kombit, Ilir Konushevci.
Për asnjë çast të jetës sime nuk do të mund ta harroj momentin kur mora lajmin e kobshëm për rënien e tij, bashkë me doktor Hazir Malën.
Humbja e Ilirit ishte goditje e rëndë për UÇK-në dhe për të gjithë bashkëluftëtarët.
Por atdhedashuria dhe shpirti i tij i madh liridashës qëndruan ndër ne për të frymëzuar qëndresën deri në jetësimin e idealit të lirisë dhe shtetësisë së Kosovës.
Lavdi e përjetshme veprimtarisë kombëtare të heronjëve të kombit Ilir Konushevcit, Hazir Malës dhe të gjithë të rënëve për lirinë e Kosovës!
