Prokuroria Themelore Publike për Ndjekjen e Krimit të Organizuar dhe Korrupsionit – Departamenti i Specializuar për ndjekjen e veprave penale të kryera nga persona me autorizime policore dhe pjesëtarë të policisë së burgjeve, pas procedurës së zhvilluar, sot në Gjykatën Themelore Penale Shkup ka dorëzuar Propozim-Aktakuzë kundër një personi për veprën penale “Lëndim trupor”.
Bëhet fjalë për një pjesëtar të sigurimit të kryeministrit Hristijan Mickoski, përkatësisht pjesëtar të pararojës, i cili ishte denoncuar se e kishte rrahur bashkëshorten e tij.
Sipas pretendimeve në aktakuzë, i akuzuari, pas një debati verbal paraprak në shtëpinë familjare, e ka sulmuar fizikisht të dëmtuarën, duke e goditur në fytyrë dhe në kokë para vajzës së tyre të mitur, pas së cilës e ka kapur për qafe dhe ka filluar ta mbytë. Me veprimet e të akuzuarit, të dëmtuarës i janë shkaktuar lëndime trupore dhe i është shkaktuar shqetësim psikik.
