Kreu i Komunës së Tearcës, Daut Memishi, në një deklaratë për media ka folur rreth hapjes së çerdhes në Përshefcë, një projekt që është zvarritur prej vitesh, njofton Tema.mk. Memishi theksoi se aktualisht janë në pritje të një përgjigjeje pozitive dhe miratimi nga Ministria e Financave për punësimet e nevojshme.
Ai shtoi se menjëherë pas hapjes së kësaj çerdheje, komuna do të nisë projektimin e një çerdheje tjetër të re, duke u bazuar në nevojat reale të banorëve.
“Në biseda të vazhdueshme me ministrin e Punës dhe Politikës Sociale dhe atë të Financave, sapo të hapet kjo çerdhe, ne do të projektojmë edhe një tjetër, pasi sipas analizave tona, numri i fëmijëve nga mosha 0-5 vjeç është mbi 550”, deklaroi Memishi./Tema.mk/
