Dy të mitur, të moshës 17 dhe 16 vjeç, janë privuar nga liria pas një sulmi ndaj një burri 62-vjeçar pranë një qendre tregtare në Tetovë, njoftoi policia.Sipas buletinit policor, ngjarja ka ndodhur dje rreth orës 12:30. Të miturit kanë sulmuar fizikisht M.SH. (62) nga fshati Odër dhe i kanë marrë para.Kur viktima arriti ta ndalonte 17-vjeçarin, ky i fundit, sipas raportimit, e ka plagosur me një mjet të mprehtë.Në atë moment, pranë vendit të ngjarjes ka kaluar një patrullë policore, e cila e ka privuar nga liria 17-vjeçarin. Pas masave të ndërmarra, në orën 16:15 në Tetovë është gjetur dhe arrestuar edhe 16-vjeçari.Të dy të miturit janë mbajtur në stacionin policor, ndërsa për rastin është njoftuar prokurori publik.Pas dokumentimit të plotë të rastit, ndaj tyre do të parashtrohet kallëzimi përkatës.
Lajmi ditës
Sulmohet dhe grabitet një 62-vjeçar në Tetovë: Plagoset me mjet të mprehtë teksa po përpiqej të ndalonte njërin nga sulmuesit
