Çmimi i burekut në Maqedoni ka shënuar rritje të ndjeshme, duke arritur deri në 120 denarë, si pasojë e shtrenjtimit të vazhdueshëm të shumë produkteve të tjera bazë, shkruan Tema.mk.
Sipas informacioneve nga terreni, furrat e bukës janë detyruar të rrisin çmimet për shkak të kostove më të larta të miellit, vajit, mishit dhe energjisë. Qytetarët shprehen të pakënaqur me këtë rritje, duke theksuar se bureku, që dikur ishte një ushqim i përballueshëm për të gjithë, tani po bëhet gjithnjë e më i shtrenjtë.
Ekspertët ekonomikë paralajmërojnë se, nëse trendi i rritjes së çmimeve vazhdon, pritet që edhe produkte të tjera ushqimore të pësojnë rritje të mëtejshme në periudhën e ardhshme./Tema.mk
