Një 24-vjeçar nga Tetova është vetëdorëzuar në polici pasi dyshohet se për një kohë të gjatë kishte kërcënuar ish-bashkëshorten e tij.
Sipas SPB Tetovë, Xh.Sh. ishte denoncuar nga ish-bashkëshortja 26-vjeçare, e cila pretendon se ai i kishte dërguar kërcënime për jetën e saj dhe të familjes përmes rrjeteve sociale. Ajo ka raportuar gjithashtu se më 6 gusht ai e kishte ndjekur dhe incizuar gjatë një ahengu familjar.
I dyshuari është ndaluar në stacion policor dhe ndaj tij do të vijojë procedura përkatëse.
