Në orët e hershme të mëngjesit janë regjistruar të shtëna me armë zjarri pranë një shtëpie në Reçicë të Madhe, mëson Tema.mk nga banorët e zonës. Sipas informacioneve fillestare, të shtënat dyshohet se kanë qenë të qëllimshme dhe janë drejtuar ndaj një shtëpie, ndërsa motivet dhe rrethanat e ngjarjes mbeten ende të panjohura.
Banorët kanë raportuar se janë shqetësuar nga krismat e dëgjuara gjatë mëngjesit, ndërsa pritet që organet kompetente të kryejnë hetimet e nevojshme dhe të dalin me sqarime zyrtare lidhur me rastin. Për më shumë detaje dhe informacione zyrtare, pritet reagimi i institucioneve përkatëse./Tema.mk/
