Një stuhi e pazakontë bore ka përfshirë pjesë të Evropës në mes të muajit maj. Në Gjermani, këtë të martë (12 maj 2026), reshjet e borës dhe temperaturat e ulëta kanë sjellë mot dimëror, ndërsa vala e ftohtë tashmë po lëviz drejt Ballkanit.
Sipas parashikimeve meteorologjike, deri në mbrëmje priten reshje bore në zonat malore të Ballkanit, ndërsa temperaturat do të pësojnë rënie të ndjeshme, në disa vende edhe mbi 15 gradë Celsius.
Pamjet nga Gjermania tregojnë kthim të plotë të dimrit, me reshje intensive bore dhe mot të acartë, fenomen mjaft i rrallë për këtë periudhë të vitit. Meteorologët paralajmërojnë se ndryshimi i motit do të ndihet fuqishëm edhe në rajon gjatë orëve në vijim.
