Kryetari i Komunës së Tearcës, Daut Memishi, ka reaguar pas dëmtimeve të shkaktuara në investimet për sistemin e ujitjes në pendën e Tearcës, duke i cilësuar ato si akte vandale që cenojnë interesin publik.
Memishi theksoi se dikujt po i pengon angazhimi, suksesi dhe puna e përkushtuar që po realizohet në komunë, ndërsa dëmet e shkaktuara në projektet për sistemin e ujitjes janë paraqitur tashmë në organet kompetente.
“Veprime të tilla nuk janë arsye për të na zbrapsur dhe as për të minimizuar punën që po bëhet në interes të qytetarëve”, ka deklaruar Memishi.
Ai ka bërë të ditur se pret që institucionet përkatëse ta trajtojnë rastin me seriozitetin e duhur, duke shtuar se askush nuk do të amnistohet për dëmtimin e pasurisë publike.
Sipas tij, do të kërkohet përgjegjësi e plotë për çdo veprim që dëmton investimet e realizuara në shërbim të qytetarëve të Komunës së Tearcës.
