Një rast i rëndë është shënuar këtë të diel në Gjakovë, ku një 18-vjeçar mbeti i vrarë pas një zënke të ndodhur mbrëmjen e sotme.
Sipas policisë, rasti ndodhi pas një përleshje fizike në rrugën “Ali Ibra” në Gjakovë, transmeton Klankosova.tv.
Zëdhënësja e policisë për rajonin e Gjakovës, Vlera Krasniqi tha për Klankosova.tv se si pasojë e këtij incidenti, tre persona të tjerë kanë pësuar lëndime trupore dhe kanë pranuar trajtim mjekësor në Qendrën Emergjente të Spitalit Rajonal në Gjakovë.
