Daut Memishi pjesë e Ditës së Hapur të Shkollave të Mesme në Tetovë

Kryetari i Komunës së Tearcës, Daut Memishi, ka marrë pjesë sot në aktivitetin “Dita e Hapur e Shkollave të Mesme”, së bashku me kryetarin e Komunës së Tetovës Bilall Kasami, zv. kryetarin Albi Qamili, zëvendësministrin e Arsimit dhe Shkencës Driton Sulejmani dhe kryetarin e Komunës së Bogovinës Feti Abazi.
Sipas Memishit, qëllimi i aktivitetit ishte që nxënësit e ardhshëm të njihen më nga afër me drejtimet arsimore, profesionet dhe mundësitë që ofrojnë shkollat e mesme në komunën e Tetovës.
Përmes stendave informuese dhe prezantimeve të ndryshme, nxënësit dhe mësuesit prezantuan programet, projektet, sukseset dhe aktivitetet e tyre, duke u ndihmuar nxënësve të klasave të nënta në përzgjedhjen e drejtimit për vazhdimin e arsimit.
Memishi vlerësoi se ky aktivitet përfaqëson një hap të rëndësishëm drejt orientimit të duhur arsimor dhe ndërtimit të një të ardhmeje më të sigurt për të rinjtë.