A pritet një ulje e re e çmimeve të karburanteve në Maqedoni?

Kryeministri Hristijan Mickoski ka paralajmëruar se gjatë javës së ardhshme pritet një ulje shtesë e çmimeve të karburanteve, duke vlerësuar se situata me derivatet e naftës në vend është stabile.
Ai theksoi se shteti disponon me të njëjtat sasi të rezervave të naftës si në fillim të krizës dhe se nuk është shpenzuar asnjë litër. Sipas tij, konsumi ditor mbetet i lartë, me furnizime prej mbi dy milionë litrave naftë dhe benzinë.
Mickoski shtoi se vendi ka ndër çmimet më të ulëta të karburanteve në rajon, duke nënvizuar se Qeveria tashmë ka ndërmarrë masa për uljen e çmimeve gjatë periudhës së kaluar.