Shërbimi Sekret i SHBA-së njoftoi të dielën se po hetonte raportimet për të shtëna me armë gjatë natës pranë Parkut Lafayette, i cili ndodhet përballë Shtëpisë së Bardhë.
Sipas një njoftimi online të agjencisë, nuk u raportua për të lënduar dhe nuk u gjet asnjë i dyshuar pas kontrollit të parkut dhe zonës përreth pas mesnatës, raporton The Guardian.
Donald Trump po kalonte fundjavën në Shtëpinë e Bardhë, e cila nuk dha menjëherë një koment mbi incidentin. Aktivitetet në Shtëpinë e Bardhë vazhduan normalisht, por siguria në zonë u shtua, sipas Shërbimit Sekret. Parku ka qenë i rrethuar me gardh për javë të tëra për shkak të punimeve rinovuese.
Shërbimi Sekret bëri të ditur se po bashkëpunon me policinë e Distriktit të Kolumbias dhe Policinë e Parqeve të SHBA-së.
