Përsëri rriten çmimet e naftës, ja sa

Çmimet e naftës në tregjet ndërkombëtare janë rritur sërish gjatë ditës së sotme, kryesisht si pasojë e frikës nga një bllokadë e zgjatur e Ngushticës së Hormuzit.
Në bursën e Londrës, çmimi i një fuçie nafte është rritur me 6.45 dollarë krahasuar me një ditë më parë, duke arritur në 107.61 dollarë.
Ndërkohë, në tregjet amerikane, rritja ka qenë edhe më e theksuar, me 10.80 dollarë më shumë për fuçi, duke e çuar çmimin në 110.92 dollarë.
Kjo rritje vjen në një kohë kur tensionet gjeopolitike në Lindjen e Mesme po ndikojnë drejtpërdrejt në tregjet globale të energjisë.