Arrestohet ish ministri i ekonomisë, ja detajet!

Ish-ministri serb i Ekonomisë, Rade Basta, është arrestuar me urdhër të Prokurorisë së Lartë Publike në Beograd, nën dyshimin se gjatë kohës që ka qenë drejtor i ndërmarrjes komunale publike “Belgradski elektrani”, e ka dëmtuar kompaninë për dhjetëra miliona dinarë, konfirmoi RTS.Basta dyshohet se ka miratuar pa bazë të arsyetuar donacione për klube të ndryshme sportive, përfshirë klube më të vogla futbolli dhe basketbolli, si dhe një klub hipik, raportoi RTS. Pjesëtarë të Shërbimit për Luftë Kundër Korrupsionit janë duke zhvilluar një aksion arrestimi dhe kontrolli, njoftoi transmetuesi publik serb.Siç merr vesh jozyrtarisht RTS, në rrjedhë e sipër është ndalimi i disa personave të tjerë të lidhur me Bastën.Ai kërkoi vendosjen e sanksioneve ndaj RusisëRade Basta ka qenë ministër i Ekonomisë i Serbisë nga tetori i vitit 2022 deri në vitin 2023, kur u shkarkua nga detyra. Shkarkimi erdhi pasi ai i kërkoi qeverisë serbe që “të deklarohet urgjentisht për vendosjen e sanksioneve kundër Federatës Ruse për shkak të agresionit të saj ndaj Ukrainës”. Pasi u largua nga qeveria, ai themeloi lëvizjen “Rruga Evropiane”.