Që nga muaji prill e deri më sot, zjarrfikësit e Tearcës kanë intervenuar 91 herë në territorin e Komunës së Tearcës, shkruan Tema.mk.
Sipas të dhënave zyrtare, bëhet fjalë për një numër rekord ndërhyrjesh brenda një periudhe kaq të shkurtër. Numri i lartë i zjarreve ka ngritur dyshime se një pjesë e tyre mund të jenë të shkaktuara qëllimisht, veçanërisht duke pasur parasysh temperaturat e larta dhe kushtet e favorshme për përhapjen e flakëve. Nga ana tjetër, deri më tani policia nuk ka arrestuar apo identifikuar publikisht asnjë person si autor të këtyre rasteve, edhe pse për disa prej zjarreve ka pasur persona të dyshuar.
Zjarrfikësit vazhdojnë të apelojnë për kujdes maksimal, pasi temperaturat e larta dhe thatësira rrisin ndjeshëm rrezikun për përhapjen e zjarreve./Tema.mk
