Pas publikimit të një videoje që u bë virale në rrjetet sociale, ku shihen disa persona duke gjuajtur me armë gjatë një dasme në fshatin Dobërdoll të Gostivarit, policia ka ndërmarrë veprime konkrete për zbardhjen e rastit.
Sipas informacioneve që ka siguruar Tema.mk, zyrtarët policorë po kryejnë bastisje në pesë lokacione të ndryshme në rajonin e Gostivarit, me qëllim identifikimin e personave të përfshirë dhe gjetjen e armëve që dyshohet se janë përdorur gjatë festës.
Pamjet e publikuara në Facebook kanë ngjallur reagime të shumta në opinion, ndërsa autoritetet kanë nisur procedurat për dokumentimin e plotë të rastit./Tema.mk/
