Më 24 qershor 2026, rreth orës 11:30, në Kriva Pallankë, nëpunësit policorë të NJPB Kriva Pallankë privuan nga liria N.D. (45) nga Shkupi, i dyshuar për tentim të veprës penale “mashtrim”.
Sipas informacioneve të policisë, një grua e moshuar nga Kriva Pallanka kishte pranuar një telefonatë nga një person i cili ishte prezantuar si mjek nga Italia. Ai e kishte informuar se vajza e saj kishte pësuar një aksident në Itali, duke marrë lëndime të rënda dhe thyerje në këmbë dhe nofull, dhe se për operimin e saj nevojiteshin 35.000 euro.
Pasi gruaja kishte deklaruar se nuk dispononte me aq para, personi ishte pajtuar që ajo t’i dorëzonte të gjitha mjetet financiare që kishte në shtëpi. Ndërkohë, gruaja kishte kontaktuar dhëndrin e saj, i cili e kishte këshilluar të njoftonte policinë.
Pas denoncimit, nëpunësit policorë organizuan aksion dhe e kapën të dyshuarin në afërsi të shtëpisë së gruas, duke e privuar nga liria.
I dyshuari është ndaluar në stacion policor dhe, pas dokumentimit të plotë të rastit, ndaj tij do të parashtrohet kallëzim përkatës.
